Францускиот претседател Емануел Макрон денес изјави дека плановите на Израел за анексија на Западниот Брег претставуваат црвена линија.
„Плановите на Израел за делумна или целосна анексија на Западниот Брег, вклучително и „де факто“ преку изградба на израелски населби, претставуваат црвена линија на која ќе реагираме силно со нашите европски партнери доколку бидат спроведени. Насилството на доселениците и забрзувањето на проектите за населување достигнуваат нови рекорди што ја загрозуваат стабилноста на Западниот Брег и претставуваат кршење на меѓународното право“, рече Макрон на прес-конференција по средбата во Елисејската палата со претседателот на Палестинската самоуправа, Махмуд Абас, пренесува BFM TV.
Макрон повтори дека приоритет е организирање слободни избори на палестинските територии.