Крвава драма во Свети Николе – ќерка го повреди татка си со нож

МВР информираше дека завчера во вечерните часови, во Свети Николе се случи инцидент по што полициски службеници од ОВР Свети Николе ја уапсија 42-годишната Љ.Ѓ., по добиена пријава за физички напад врз нејзиниот 71-годишен татко.

Според информациите, инцидентот се случил околу 18 часот во нивниот семеен дом.

Како што се наведува во пријавата, жената не само што го нападнала својот татко, туку и употребила остар предмет, при што му нанела повреди.

По интервенцијата на полицијата, таа била задржана во полициската станица, а по целосното документирање на случајот, против неа ќе биде поднесена соодветна пријава.