1
Постојаната мисија на Иран во Обединетите нации достави итно писмо до Советот за безбедност на полноќ во Њујорк (04:00 часот по Гринич), во кое остро ги осудува „незаконското и безобѕирно бомбардирање на нуклеарните постројки на Иран од страна на Соединетите Американски Држави“, пренесува Ројтерс.
„Соединетите Американски Држави и крволочниот режим на Израел ќе бидат целосно одговорни за овие флагрантни кршења на меѓународното право и мора да се соочат со тешките последици од тоа“, се вели во соопштението.