Шефот на Службата за борба против организиран криминал (СБПОК) на Србија, Марко Зафировиќ, денес бил повикан на информативен разговор во полицијата во врска со случајот „Сењак“, објави медиумот Нова.рс.
Зафировиќ, според изворот на Нова.рс, добил покана за информативен разговор по наредба на Специјалното одделение за сузбивање на корупцијата на Вишото јавно обвинителство во Белград.
По апсењето на шефот на Управата за криминалистичка полиција (УКП) Марко Кричак и началникот на Службата за сузбивање на криминалот (ССК) Бошко Секуловиќ, полицијата дополнително ги истражува сите околности во случајот на попречување на истрагата во случајот „Сењак“ и кој од полицајците учествувал во злоупотребата и тортурата на сопственикот на ресторанот во просториите на УКП кога бил испрашуван за убиството на Александар Нешовиќ на 12 мај оваа година.