188
Пред утрешното одржување на Самитот ЕУ – Западен Балкан посветен на Планот за раст, премиерот Христијан Мицкоски вечерва ги пречека лидерите од регионот и ЕУ што допатуваа во Скопје.
На својот фејсбук-профил објави фотографии од пречекот на еврокомесарката за проширување и добрососедска политика, Марта Кос, од премиерот на Црна Гора, Милојко Спајиќ, албанскиот премиер Еди Рама, косовскиот премиер Албин Курти и неколкумина други учесници на утрешниот Самит.
“Вечерва имав чест да сум домаќин на лидерите на државите од Западен Балкан и ЕУ. Скопје е домаќин на важен настан“, напиша тој на фејсбук.
Потоа, додаде дека оваа прилика ја користи за лобирање на македонските интереси и политики.
