Ердоган: Разговорите со Трамп донесоа напредок во неколку области и договор за мир во Газа

Турскиот претседател Реџеп Таип Ердоган денес изјави дека разговорите со претседателот на САД, Доналд Трамп, во Белата куќа донесоа „значаен напредок“ во неколку области, вклучувајќи ја одбранбената соработка и трговијата, како и договор за постигнување прекин на огнот и траен мир во Газа и Палестина.

„Нашата средба беше многу важна во однос на изразувањето на волјата за прекин на масакрот во Газа… Објаснивме како може да се постигне прекин на огнот и траен мир“, изјави Ердоган за новинарите на враќање од Вашингтон, објави Ројтерс.

Тој изјави дека двајцата лидери размениле мислења и за ревизијата на царините со цел да се постигне целта од 100 милијарди долари трговска размена и нагласи дека односите напредуваат „со меѓусебно почитување“.