Претседателот на Движење ЗНАМ, Максим Димитриевски, потврди дека со владината реконструкција партијата ќе го преземе Министерството за земјоделство, шумарство и водостопанство, во замена за Министерството за правда.
За нов министер е предложен Борче Серафимовски, актуелен државен секретар во Министерството за земјоделство. Димитриевски истакна дека станува збор за човек со академско, менаџерско и практично искуство, кој добро го познава системот и самиот се занимава со земјоделство.
Тој најави дека Горан Минчев ќе продолжи да раководи со Министерството за јавна администрација, а ЗНАМ во септември ќе добие и уште една заменик-министерска функција во влијателен ресор.
Претходно денеска, премиерот Христијан Мицкоски потврди дека со владината реконструкција ЗНАМ ќе го добие ресорот Земјоделство, како и уште еден заменик-министер.