Акција на полицијата за нелегални медицински третмани и нерегистрирани препарати

Полицијата, поточно Одделот за организиран криминал при Бирото за јавна безбедност, спроведе акција во текот на денот во рамки на истрага за сомнежи поврзани со нелегални медицински третмани и дистрибуција на нерегистрирани препарати, неофицијално дознава „Фокус“.

Според информациите, полициската акција била координирана и реализирана на повеќе локации низ државата, со цел разоткривање на мрежи кои, според неофицијални сознанија, изведувале недозволени медицински интервенции и пласирале препарати без соодветна регистрација.

Од надлежните засега не се соопштуваат детали за идентитети на опфатените лица, а истрагата е во тек.