Mицковски: Вицепремиерот Фетаи ми рече дека веќе не се гледа во овој владин состав кој го предводам

Со вицепремиерот Арбен Фетаи се видел пред неколку недели и во разговор му кажал дека повеќе не се гледа во овој состав на Владата што тој ја предводи, изјави премиерот Христијан Мицкоски во интервју за ТВ Сител.

Мицкоски откри дека Фетаи му изразил желба да се врати во Брисел, од каде што претходно дојде на предлог на коалицијата Вреди за да ја извршува функцијата вицепремиер.

Тој додаде дека му предложил Фетаи да биде ангажиран како специјален претставник на Владата во Брисел, но дека конечната одлука сè уште не е донесена.