Еден полицаец е убиен, а друг е повреден во експлозија во градот Овиедо, во северна Шпанија, соопшти полицијата.
Експлозијата се случила во вторник наутро, кога полицајци од специјалната единица со службени кучиња пристигнале за да го проверат сомнителниот ранец.
Според локалните медиуми, полицајците го пронашле ранецот откако дошле на местото на настанот поради друг инцидент.
Шпанската полиција потврди дека загинатиот полицаец бил Хуан Хозе и му оддаде почит со објава на социјалната мрежа X.
🚨 Última Hora: grave suceso esta mañana, sobre las 07:30 horas, en el barrio de Villafría de #Oviedo.
👮🏻♂️ Explosión de artefacto que, según primeros datos, ha podido tener consecuencias trágicas para un compañero y dejado varios heridos más. Nuestro apoyo para toda la Jefatura. https://t.co/GXYNeFhwyK
— CEP (@cep_cepolicia) November 10, 2026
Полицијата интервенирала по конфликт меѓу две семејства, при што млада жена била ранета од огнено оружје.
Повредениот полицаец е член на единицата за деактивирање експлозивни направи, а според шпанските медиуми, поради тешките повреди му била ампутирана ногата.