Повредена е 17 годишна девојка во Тетово – во неа удри тротинет, па возачот побегна

Девојка (17) од Косово е тешко повредена откако во неа удри електричен тротинет на булеварот „Илинденска“ во Тетово, а возачот избега, соопшти Министерството за внатрешни работи.

„На 9 ноември 2026 година, во 11:45 часот, случајот бил пријавен во СВР Тетово. Повредената малолетничка била пренесена во Ургентниот центар во Тетово, каде што ѝ биле констатирани тешки телесни повреди“ – соопштија од тетовската полиција.

Полициска екипа извршила увид на местото на несреќата, а се преземаат мерки за пронаоѓање на лицето кое управувало со тротинетот и за целосно расчистување на случајот.