Најмалку 13 лица загинаа при пад на туристички авион за време на панорамски лет над светски познатите линии во Назка во Перу, едно од најпосетуваните археолошки локалитети во светот.
Според локалните власти, во авионот се наоѓале 11 патници и двајца пилоти. Леталото се урнало во поле во близина на градот Назка, а спасувачките екипи потврдиле дека нема преживеани.
A small tourist plane crashed on Saturday while conducting a sightseeing flight over Peru’s famous Nazca Lines, killing all 13 people on board. Authorities said the aircraft was carrying 11 passengers and two pilots when it went down near the UNESCO World Heritage site in… pic.twitter.com/6yFqmtUDxs
— Mighty News (@Mighty__News) August 1, 2026
Авионот полетал од градот Ика и бил во сопственост на перуанската компанија „Аеродиана“, која со години организира туристички панорамски летови над древните геоглифи во Назка, локалитет кој е впишан на Листата на светско наследство на УНЕСКО.
Причината за несреќата засега не е позната.
Перуанските власти отворија истрага, а повеќе детали за околностите што довеле до падот на авионот се очекуваат по завршувањето на увидот и идентификацијата на жртвите.