Најмалку три лица загинаа, а 21 се повредени во експлозија пред италијанскиот ресторан „Балци Роси“ во центарот на Москва, објавија руските државни медиуми повикувајќи се на безбедносните служби, пренесува Би-Би-Си.
WARNING: GRAPHIC
JUST IN: Horror scene in central Moscow after ‘gas explosion’ at Balzi Rossi cafe leaves 3 dead, 15 injured; people scream as body parts found outside https://t.co/YhGHN6pj29 pic.twitter.com/0tpWpyHyZl
— Rapid Report (@RapidReport2025) August 1, 2026
Според рускиот Национален антитерористички комитет, жена што носела импровизирана експлозивна направа се обидела да влезе во ресторанот, но била запрена од обезбедувањето. Во тој момент бомбата експлодирала. Загинаа жената, еден припадник на обезбедувањето и еден гостин на ресторанот, каде што во тоа време се одржувала приватна прослава.
Подъезд к ресторану Balzi Rossi перекрыт вооружёнными силовиками, которые пропускают только автомобили скорой. Канал 112 пишет, что следователи рассматривают несколько версий взрыва. По одной из них, неизвестный пронёс в ресторан неустановленный предмет. pic.twitter.com/lMPZgzdknY
— Пан Пачковский (@Q0MT6pFmbVqynsM) August 1, 2026
Антон Герашченко, поранешен советник во украинското Министерство за внатрешни работи, на мрежата „Икс“ објави дека неколку руски медиуми и блогери известиле оти Александар Чајко, командант на руските Воздушно-космички сили, го прославувал својот роденден во ресторанот.
Властите сè уште не соопштиле кој бил можниот таргет на нападот, но во Русија веќе се шпекулира дека експлозијата би можела да биде поврзана со војната во Украина. Во последните години, неколку високи руски воени функционери беа убиени во Москва и нејзината околина, а Кремљ за тие напади ја обвини Украина.
Првичните информации говореа дека експлозијата се случила во кујната на ресторанот, но раководството подоцна соопшти дека инцидентот се случил надвор од објектот.
Ресторанот се наоѓа во една од познатите московски згради од сталинистичката ера, а полицијата ги затвори околните улици по експлозијата. Руската новинска агенција РИА објави снимки на кои се гледаат тешко вооружени безбедносни сили како го обезбедуваат местото на настанот.