Тешко повреден е 21-годишен мотоциклист од Македонски Брод

МВР информира дека вчера попладне во 14:30 часот во ОВР Прилеп е пријавено дека на влез за с. Браилово, општина Долнени, се случила сообраќајна несреќа помеѓу мотоцикл „кавасаки“ со регистарски ознаки од Македонски Брод, управуван од З.Ш.(21) и патничко возило „опел“ со прилепски регистарски ознаки, управувано од Д.В.(56), двајцата од с. Десово, општина Долнени.

Во несреќата со тешки телесни повреди се здобил мотоциклистот, констатирани во Градската општа болница во Прилеп.

Извршен бил увид од увидна екипа од ОВР Прилеп.