Претседателот на САД, Доналд Трамп, во интервју за Newsmax, зборуваше за одлуката за испраќање две нуклеарни подморници во таканаречените чувствителни области по изјавите на поранешниот руски претседател Дмитриј Медведев.
За време на разговорот, Трамп го критикуваше тонот на пораките испратени од Медведев и рече дека како резултат на тоа се зголемила активноста на нуклеарните подморници.
„Па, поранешниот претседател на Русија, кој сега е задолжен за еден од најважните совети, кажа некои работи што беа многу лоши, зборувајќи за нуклеарно оружје. Кога ќе го споменете зборот „нуклеарна“, знаете, ми светкаат очите и велам: „Подобро да бидеме внимателни“, бидејќи тоа е крајната закана“, рече Трамп.
Тој исто така рече дека Медведев не требало да зборува за советскиот систем „Мртва рака“ за извршување нуклеарни напади во краен случај.
„Не требаше да го каже тоа. Тоа го зборуваше и во минатото. Затоа секогаш сакаме да бидеме подготвени. Затоа испратив две нуклеарни подморници во регионот. Само сакам да бидам сигурен дека неговите зборови се само зборови и ништо повеќе“, рече тој.
Кога новинарите го прашаа дали подморниците се поблиску до Русија, Трамп одговори:
„Тие се поблиску до Русија. Да, тие се поблиску до Русија“, рече тој.