Зеленски: Русија мора да разбере дека не треба да има награди за војна

Претседателот на Украина, Володимир Зеленски, денес изјави дека Русија мора да разбере дека не треба да има награди за војна.

„Русија мора да разбере дека не треба да има награда за војна, за убиство и дека на Русија не треба да ѝ се дава можност да започне уште една слична војна против Украина или против која било друга земја во соседниот регион“, рече Зеленски на заедничката прес-конференција со турскиот претседател Реџеп Таип Ердоган, пренесува Укринформ.

Тој истакна дека „многу процеси се активирани“ во дипломатската сфера.