Канаѓанка е убиена, а 13 лица се повредени во пукотница што се случија вчера на познатото археолошко наоѓалиште Теотихуакан во Мексико, соопштија властите.
Напаѓачот, чија националност е непозната, извршил самоубиство откако отворил оган на популарна туристичка дестинација во централно Мексико, дом на предацтечките пирамиди, изјави Кристобал Кастанеда, секретар за безбедност на сојузната држава каде што се наоѓа наоѓалиштето.
Шест лица се ранети од огнено оружје и се лекуваат во локалните болници, меѓу нив една Канаѓанка, една Колумбијка и нејзиното дете, еден Бразилец и двајца Американци.
A Canadian woman has been shot dead and and 13 others injured by a gunman at Mexico’s famed Teotihuacan archaeological site.
The gunman killed himself after opening fire at the popular tourist destinationhttps://t.co/1XwITtrln4 pic.twitter.com/uyEY64MzEY
— AFP News Agency (@AFP) April 21, 2026
Седум други лица се повредени за време на обидот за бегство и се лекуваат, вклучувајќи државјани на Русија, Колумбија, Бразил и четири лица од Соединетите Американски Држави, соопштија властите.
Пукањето сред бел ден ги шокираше туристите на едно од најпосетуваните места во Мексико, помалку од два месеци пред почетокот на Светското првенство, кое ќе се игра во Мексико, Соединетите Американски Држави и Канада.
Снимките од АФП покажуваат тело покриено со бел чаршаф како се носи по скалите на пирамидата.
Властите конфискуваа огнено оружје, ножеви и неискористена муниција на местото на настанот и ги евакуираа туристите.