Украинскиот претседател Володимир Зеленски објави снимка од напад на украински беспилотни летала врз рафинерија за нафта во Русија, како и врз неколку авиони стационирани на воениот аеродром во Ростов, пишува „Украинска правда“.
I thank our warriors, who make Russia feel the war every day. Last night, in a joint operation by the Security Service of Ukraine, the Unmanned Systems Forces, the Defense Intelligence of Ukraine, and the Foreign Intelligence Service, the Yaroslavl oil refinery was hit. The Security Service also carried out a precise strike on a military airfield in Rostov – the damage to an An-12, two An-26s, and three helicopters has been confirmed. There have also been good results in the Black Sea. Every day, we respond to aggression. Russia must choose peace.
— Volodymyr Zelenskyy / Володимир Зеленський (@ZelenskyyUa) September 17, 2026
Како што соопшти самиот Зеленски, а подоцна потврди и Генералштабот на вооружените сили на Украина, станува збор за координирана акција на неколку служби за безбедност и одбрана.
„Во текот на изминатата ноќ, во заедничка операција на Службата за безбедност на Украина (СБУ), Силите за беспилотни системи, Воената разузнавачка служба (ГУР) и Службата за надворешно разузнавање, погодена е рафинерија за нафта во Јарослављ. Службата за безбедност изведе и прецизен напад врз воениот аеродром во Ростов, при што е потврдено оштетување на еден авион „Ан-12“, два „Ан-26“ и три хеликоптери. Добри резултати се забележани и во областа на Црното Море“, изјави Зеленски.
Дополнителни детали за операцијата изнесе Генералштабот на Украина, наведувајќи дека цел на нападот бил воениот аеродром „Ростов-на-Дон“ (Централни) во Ростовската област.
Забележан е пожар на самиот објект, проследен со секундарни детонации. Според официјалните информации од украинска страна, на аеродромот е потврдено уништување на два транспортни авиони „Ан-26“, еден транспортен авион „Ан-12“ и три хеликоптери.
Во истиот бран напади, погодена е и рафинеријата за нафта „Славнефт-ЈАНОС“ во областа Јарослављ, каде што по директен погодок избувна пожар во постројката за примарна дестилација на нафта.