Илјадници граѓани вечерва излегоа на плоштадите и улиците низ Србија за да ја прослават изборната победа на Студентската листа на вонредните парламентарни избори.
Slavija opet nađena prelepa! https://t.co/vhIPgGEJqU
— Vladimir Štimac (@stimac15) October 26, 2026
Собирите започнаа во Белград на плоштадот Славија, па се проширија во Нови Сад, Ниш, Крагуевац, Суботица и Ваљево.
Организаторите повикаа на мирно славење без насилство и порачаа дека доаѓа време на институционална одговорност.
Главниот собир се одвива во Белград каде што сообраќајот беше целосно блокиран уште пред 19 часот.
Slavija večeras 🫂
KAKO JE DOBRO VIDETI VAS OPET ❤️❤️❤️ https://t.co/1kkfEwgfak
— Shonetin (@kaonikotinn) October 26, 2026
На просторот околу кружниот тек и фонтаната е поставена бина од која диџеи пуштаат музика, а според најавите на организаторите, собирот под мотото „Нека пее оваа Славија“ ќе трае до полноќ.
Студентите најавија дека нема да има политички говори, туку фокусот е ставен на заедничката победа на граѓаните и младите.
Subotica se oslobodila sramote ✊🏻💪🏻⛽ https://t.co/72aT79lBCP
— DJ CallMeTheFixer (@CallMeTheFixer) October 26, 2026
Студентските претставници преку социјалните мрежи испратија децидна порака дека простор за судири и инциденти нема.
Тие нагласија дека секој поединец ќе одговара пред законите за своите постапки и повикаа на достоинствено празнување.
Niš slavi pobedu! 🤩🥳🤩
Svi kod konja!! ❤️🔥⛽️ https://t.co/RCJTDDXu89
— Mateja Nikolić (@MATEJANIKOLlC) October 26, 2026
Во Нови Сад граѓаните и студентите се собраа пред зградата на Бановина, а слична слика беше забележана и во Ниш, каде што мотоциклисти застанаа пред полициската управа пред почетокот на собирот на плоштадот Крал Милан, додека во Крагуевац претежно млади луѓе го исполнија Ѓачкиот плоштад пред Првата крагуевачка гимназија.