Медицинската сестра Теодора Кирилова од болница во Бургас била меѓу првите што пристигнале на местото на тешката несреќа на автопатот „Тракија“ во Бугарија, рано утринава, каде што во верижен судир со учество на повеќе од 80 возила загинаа 12, а 50 лица беа повредени.
Благодарение на среќни околности, Кирилова поминала без повреди и прва им притрчала на помош на преживеаните.
Таа утринава за весникот „Труд“ ги опиша драматичните сцени од верижниот судир, наведувајќи дека луѓето врескале, пригмечени под камион за влечење возила, а телата на жртвите лежеле во јарок покрај патот и во смачкани возила.
Според неа, ситуацијата на терен била исклучително тешка, а меѓу повредените имало постари лица кои биле на организирана екскурзија, како и деца.
Млад лекар-инфектолог од детската болница „Света Анастасија“ во Бургас се здобил со тешки повреди во хаосот.
🚨🇧🇬 At least 11 people have been KILLED and 48 injured in southeastern Bulgaria, after two massive motorway pile-ups involving more than 50 vehicles.
The crashes occurred on the Trakia motorway near Yambol, where dense fog reportedly reduced visibility to just 30 metres.
The poor visibility caused the pile-ups a few kilometres apart, one in each direction of the motorway connecting Sofia to the Black Sea city of Burgas.
Bulgarian PM Radev has cancelled his engagements as authorities shut down the motorway in both directions between the Zimnitsa and Kabile junctions.
The tragedy comes as Bulgaria continues to rank among the EU’s deadliest countries for road accidents.
Source: Euronews / Writer: Mhedi https://t.co/7syICJznDp
— Mario Nawfal (@MarioNawfal) November 10, 2026
Шестмина од повредените се веќе примени на лекување во болницата „Срце и мозок“, а двајца се во критична состојба на одделот за интензивна нега, со тешки комбинирани повреди.
Раководителот на Клиниката за ортопедија и трауматологија, проф. д-р Асен Балтов, кој бил на местото на несреќата, ја опиша потресната глетка на автопатот со зборовите:
– Досега во мојата кариера, никогаш не сум се сретнал со ваков случај.
Тој исто така истакна дека маглата во тој дел била исклучително густа, што дополнително ја усложнила ситуацијата. Раководителот на Одделот за анестезиологија и интензивно лекување, д-р Валентин Милев, изнесе детали за состојбата на пациентите.