Патнички авион „Антонов Ан-24“, стар повеќе од 50 години, се урна денеска во близина на градот Тинда на рускиот Далечен Исток. Според досегашните информации, нема преживеани во несреќата. Меѓу загинатите имало најмалку седум деца, на возраст од 1 до 14 години.
✈️🚨 Passenger plane crashes in Russia’s Amur region — over 40 people on board
A Soviet-made Antonov An-24 aircraft operated by Angara Airlines disappeared from radar near the town of Tynda while attempting a second landing approach. Emergency crews later found the burning… pic.twitter.com/MOO08NTbEP
— NEXTA (@nexta_tv) July 24, 2025
Летот на „Ангара ерлајнс“ полетал од Хабаровск, со планирано запирање во Благовешченск, и требало да слета во Тинда, недалеку од кинеската граница.
Контактот со леталото бил изгубен околу 13:00 часот по локално време, само неколку километри од аеродромот.
Руските власти велат дека авионот превезувал помеѓу 40 и 43 патници, вклучувајќи деца, како и шест члена на екипажот.
Запалениот труп е пронајден од воздух на околу 16 километри од Тинда, на тешко пристапен планински терен. Хеликоптерите не можеле да слетаат поради лошите временски услови, па спасувачите морале да одат на местото на несреќата пеш. На местото на настанот сè уште гори пожар.
Според информациите на руските служби за итни случаи, авионот не испратил повик за помош, ниту пријавил технички проблеми пред да исчезне од радарот.