Украина ќе ги зголеми платите за воениот персонал, ќе регрутира повеќе доброволци од странство и ќе воведе нови договори за воена служба, најави украинскиот претседател Володимир Зеленски.
Зеленски појасни дека армиските бригади ќе имаат можност директно да добиваат средства, како и самите да организираат воена обука за новодојдените војници.
Според него, на овој начин ќе се воспостават конкретни услови за службата благодарение на зголемувањето на примањата и потпишувањето на новите договори за пристапување во армијата.
Украинскиот претседател изјави дека веќе од овој месец војниците ќе добијат поголеми плати, кои ќе изнесуваат близу 30.000 гривни месечно (околу 579 евра) за помошните воени позиции во позадината, и во просек по 300.000 гривни (околу 5.790 евра) за пешадијците кои директно учествуваат во борбите на фронтот.
Колку повеќе борбени мисии се извршуваат, толку поголемо ќе биде и паритетното наградување.