Трамп предлага „пријателско преземање“ на Куба

Претседателот Доналд Трамп посочи дека САД би можеле да извршат „пријателско преземање“ на Куба, откако тој употреби блокада на гориво за да го зголеми притисокот врз комунистичкиот режим во Хавана.

-Кубанската влада разговара со нас. Тие се во голема неволја, како што знаете. Тие немаат пари, немаат ништо во моментов. Можеби ќе имаме пријателско преземање на Куба. Можеме многу добро да завршиме со пријателско преземање на Куба – рече Трамп.

Тој воведе блокада на гориво на островот со извршна наредба на крајот на јануари, во обид да го урне режимот, кој во голема мера се потпира на увоз на енергија и храна.