Тошковски за нападот врз Арсовска: Физички контакт имало, но не пред очите на полицијата

За нападот врз скопската градоначалничка Данела Арсовска при посета на дивоградба во скопски Чаир, министерот за внатрешни работи Панче Тошковски потврди дека физички контакт имало, но вели дека лага е оти тоа било пред очите на полицијата.

-Физички контакт меѓу машко лице и градоначалничката имало, а дека е настанат пред полициски службеници е апсолутна лага. Така сум известен од полициските службеници, односно од помошник началникот на СВР Скопје – рече Тошковски на Телма.

Тој посочи дека има има снимки од настанот и дека точно ќе утврдат што се случило.

-Откако е настанат физичкиот контакт е побарана полициска асистенција – рече Тошковски.