Кавадарци повторно се подготвува за својот најголем празник и фестивалот Тиквешки Гроздобер 2026. Децениска традиција која од година во година расте, се развива и денес претставува еден од најголемите и најпосетените фестивалски настани во Македонија.
Програмата за годинашното издание, кое ќе се одржи викендот на 04-ти, 05-ти и -6-ти септември, беше официјално претставена на денешната прес-конференција од страна на Организаторот, Претседателот на Советот на Општина Кавадарци, д-р Стојанчо Рамов, а заедно со дел од артистите и учесниците – Илчо Нечовски од Дупер, DJ Александар Галоски и Кирил Димитров – Урошев(RPM Classics).
Од традиционална манифестација посветена на грозјето, виното и Тиквешијата, во изминатата деценија Тиквешки Гроздобер израсна во голем современ фестивал кој секоја година привлекува огромен број посетители од цела Македонија и регионот. И оваа година Кавадарци ќе понуди богата и разновидна програма за сите генерации, со музички настапи, традиционални содржини, култура, забава и препознатливата атмосфера по која Гроздоберот е познат. Посебен акцент и годинава е ставен на македонските артисти и домашната музичка сцена, со што фестивалот продолжува да биде голема платформа за промоција и поддршка на македонската музика, култура и творештво.
Но, Тиквешки Гроздобер одамна е повеќе од музичка програма. Тоа е фестивал со најдолга традиција, силен локален идентитет и препознатливост на национално ниво. Настан кој ја слави Тиквешијата, лозарството и винарството, но истовремено создава современа фестивалска приказна која секоја година го претвора Кавадарци во центар на случувањата во Македонија.
Со посетеноста и програмската понуда во последните години, Гроздоберот го потврдува своето место меѓу најголемите македонски фестивали, а Кавадарци уште еднаш покажува дека традицијата може да се зачува и истовремено да се развива во модерен настан со публика за сите генерации.
Тиквешки Гроздобер 2026 и традицијата продолжува… Кавадарци повторно станува фестивалски центар на Македонија!
Се гледаме!
На 4, 5 и 6 септември, Кавадарци ќе биде домаќин на три големи музички вечери, со врвни изведувачи и атмосфера која секоја година го претвора Гроздоберот во незаборавно доживување. 🎤🎶
Но, Тиквешки Гроздобер 2026 не е само музика:
Очекувајте богата програма исполнета со:
– Културни и уметнички настани
– Презентација на тиквешката традиција и обичаи
– Вински дегустации и презентации на локални винарии
– Изложби на домашни производи, ракотворби и традиционални производи
– Настани посветени на лозарството и грозјето
– Гастрономски содржини и вкусови од Тиквешијата
– Фолклорни настапи и традиционални игри
– Улични перформанси, изложби и креативни содржини
– Детска програма, игри и забавни активности за најмладите
🍇 Три дена традиција.
🍷 Три дена вино и тиквешки вкусови.
🎶 Три дена музика и забава.
🎭 Три дена култура, дружење и незаборавни моменти.
Тиквешијата слави. Кавадарци ве очекува! ❤️🍷
