Субхи Јакупи избран за претседател на Управниот суд, со најмал судиски стаж во оваа институција

Судскиот совет го избра Субхи Јакупи за нов претседател на Управниот суд на седницата на 11 ноември.

На седницата биле разгледани кандидатурите на Субхи Јакупи, Газменд Фејзули, Едита Наскова и Ѓоко Живковски, чии пријави биле навремени и комплетни. Пријавата на Љуљзим Салиу била отфрлена како некомплетна.

Во расправата, повеќе членови на Советот ги истакнале искуството на Јакупи во Вишиот управен суд и квалитетот на неговата програма. Против изборот се изјаснила Сузана Јошевска, оценувајќи дека Јакупи има најмал судиски стаж меѓу пријавените и дека неговата програма не ги разработува доволно поставените цели.