Склучуваме договор, рече Трамп пред средбата со Зеленски

Украинскиот претседател Володимир Зеленски е во Флорида на разговори за крај на војната меѓу Русија и Украина со американскиот претседател Доналд Трамп во неговата резиденција во Мар-а-Лаго.

-Склучуваме договор – рече Трамп, додека двајцата се сретнаа на влезот.

Зеленски рече дека се надева оти разговорите „ќе донесат мир што е можно побрзо“.

Се очекува двајцата да разговараат за ажурирана верзија на мировниот план од 20 точки, посредуван од САД, кој Москва сe уште не го поддржала.

Пред состанокот, Трамп разговараше со рускиот претседател Владимир Путин и рече дека Путин е сериозен во врска со мирот.