Реактивиран пожарот кај Јажинце, сообраќајот повторно е во прекин

Пожарот кај селото Јажинце вечерва повторно е реактивиран, информираат од Центарот за управување со кризи (ЦУК).

Во краткото видео, што од ЦУК го испратија до медиумите, може да се види дека на теренот има интензивен оган од кој се издигнуваат високи пламени јазици и голем облак од чад.

Поради пожарот од Министерството за внатрешни работи велат дека сообраќајот на регионалниот пат Тетово-Јажинце е во прекин во двата правци.