43
Полициски службеници од СВР Охрид вчера (10 август) во 18:30 часот го лишиле од слобода 33-годишниот К.С. од Велес, поради основано сомнение за сторено кривично дело „силување“.
Апсењето следува по претходна пријава поднесена истиот ден во 14:35 часот во СВР Битола од страна на 21-годишна девојка, државјанка на Шведска.
Според пријавата на оштетената, тешкото кривично дело било извршено во ноќта меѓу 8 и 9 август 2026 година во ноќен клуб во Охрид, каде што тој извршил обљуба врз неа.
Од Министерството за внатрешни работи информираат дека по целосно документирање и расчистување на случајот, против осомничениот 33-годишен велешанец ќе биде поднесена соодветна кривична пријава до надлежното обвинителство.