Повреден работник, со камион се превртел во канал на градилиште на Коридор 8

Дваесет и шестгодишен работник се здобил со повреди на главата откако товарно возило „МАН“ се превртело во канал во изградба на градилиште на Коридор 8, кај мостот кон селото Камењане.

Според информациите од Министерството за внатрешни работи, несреќата била пријавена на 29 октомври во СВР Тетово. Камионот бил сопственост на приватна фирма, а со него управувал работникот Е. С. (26).

Повредениот бил пренесен во Клиничката болница во Тетово, каде што му биле констатирани повредите на главата. Увид на местото на несреќата извршила екипа на СВР Тетово.