Поранешниот влијателен бизнисменот и политичар во Молдавија – Владимир Плахотњук е осуден на 19 години затвор поради серија финансиски кривични дела, вклучително измама и перење пари.
Пресудата, донесена денеска доаѓа по долга истрага и судска постапка што ја следи јавноста во земјата.
Судот утврдил дека Плахотњук е виновен и за организирање и водење криминална група, додека обвинителството претходно побарало построга казна од 25 години затвор.
Според пресудата, тој има право на жалба, а паралелно против него се водат и дополнителни истраги поврзани со фалсификување документи и користење повеќе идентитети.
Случајот се поврзува и со документи запленети од грчките власти во објект во Атина, кои, според истражните органи, укажуваат на обид за прикривање на идентитет и активности.