Патнички авион од Базел кон Скопје веќе подолго време кружи над главниот град

Иако видливоста е оценета како добра, сепак на 3.000 стапки се бележат грмежливи облаци, додека на 6.500 стапки има расеани облаци, што дополнително ја отежнува ситуацијата.

Патнички авион кој лета од Базел кон Скопје веќе подолго време кружи над главниот град, поради нестабилни временски услови не може да слета на скопскиот аеродром.

Според последните информации од метеоролошката станица на „Меѓународен Аеродром Скопје“, во 15:20 часот се забележани нестабилни временски прилики со грмежи, засилен северен ветер и повремен дожд. Ветерот дува од север (340°) со брзина од 11 јазли, а повремено достигнува и до 15 јазли со менлива насока.