Најмалку девет лица се повредени во експлозија на граната во тренинг центар на руско МВР

Најмалку девет лица се повредени денес во експлозија на граната во центарот на Министерството за внатрешни работи во Сиктивкар во руската Република Коми, од кои четворица се потешко, соопшти локалното Министерство за здравство.

Во соопштението се наведува дека девет лица, повредени во експлозијата на светлосна граната во Сиктивкар, се префрлени во болници, објави РИА Новости.

Се забележува дека 200 лица се евакуирани од зградата по експлозијата.

Итни служби се на местото на настанот, пожарот е локализиран, а покрената е кривична постапка за небрежност.