Над 10 лица загинаа во пожар во скијачки центар во Швајцарија

Неколку лица загинаа во пожар на новогодишна забава во алпски скијачки центар во јужна Швајцарија.

Гатан Латион, портпарол на полицијата на кантонот Вале, изјави дека „пожарот избувнал околу 1:30 часот наутро во ланџ барот Le Constellation во Кран-Монтана“.

Тој изјави дека во тој момент во објектот имало околу 100 лица.

-Има повеќе повредени и повеќе смртни случаи – рече тој.

Медиумите тврдат дека 10 лица ги загубиле животите, повикувајќи се на полицијата.

Големи тимови на службите за итни случаи веднаш реагираа и беа испратени на местото на несреќата.

Спасувачките операции се уште се во тек, а областа е затворена, со зона забранета за летови над Кран-Монтана.