Македонскиот државјанин А.К. (42), кој беше уапсен под сомнение за измама на граѓани со лажно претставување како хирург, денес беше донесен во Првото основно јавно обвинителство во Белград на испрашување, каде што одлучи да молчи.
Како што објави обвинителството, А.К. е осомничен за кривично дело „измама“.
– Осомничениот е обвинет дека го сторил кривичното дело со лажно претставување како хирург, заедно со неколку непознати лица кои го воделе оштетениот и го држеле во заблуда дека член на нејзиното семејство, кој наводно доживеал сообраќајна несреќа, ќе биде подложен на итна операција за паричен надомест – соопшти Обвинителството.
По рочиштето, до Првиот основен суд во Белград беше поднесен предлог за определување притвор на осомничениот од правни причини, со оглед на тоа што постојат околности што укажуваат на ризик од бегство, како и околности дека осомничениот би се мешал во кривичната постапка со влијание врз сведоци и соучесници, како и дека би го повторил делото за краток временски период.
– Во текот на истрагата, јавниот обвинител ќе преземе сите потребни дејствија со цел да се утврди правилната и целосна фактичка состојба, како и да се откријат соизвршители или помагачи во извршувањето на кривичното дело – соопшти Обвинителството.
Според неофицијални информации, за време на операцијата на апсење, кај осомничениот се пронајдени 18.000 евра во готово.