Камениот мост доби ново декоративно осветлување

Камениот мост во Скопје од вечерва доби ново архитектонско и декоративно осветлување.

Проектот за обновување на светлосната инсталација произлезе од Протоколот за соработка меѓу Град Скопје и турската Општина Есенлер, со учество на приватни партнери.

Светлосната поставка опфаќа линиски светилки и насочени рефлектори монтирани во долниот дел од мостот.

Нивната задача е рамномерно да ги осветлат лаковите и столбовите што со векови ги спојуваат двата брега на Вардар.

Претходната инсталација долго време работеше со намален капацитет.