Шефицата на европската дипломатија, Каја Калас, изјави дека Европската Унија испраќа јасен сигнал до Москва дека нема победа за неа во украинскиот конфликт и дека Русија ќе мора да ги повлече своите трупи и да започне преговори со Киев.
„Русија не ја скрши решителноста на Украина. Не ја скрши ниту нашата. Путин нема интерес за мир. И нема да ја запре војната освен ако не е принуден“, рече Калас во говорот пред Европскиот парламент, од кој делови објави на своите профили на социјалните мрежи.
Таа истакна дека пораката на Европската Унија до Русија е сè уште јасна – Москва нема да може да излезе како победник во овој конфликт. Според неа, по воспоставувањето мир, не смее да се дозволи вооружување на руските вооружени сили.
Калас нагласи дека одлуката за судбината на Украина мора да биде во рацете на Киев и дека ЕУ е подготвена да продолжи да го поддржува украинското раководство „сè додека е потребно“.