И пожарникари од Доброволното противпожарно друштво Кочани синоќа гасеа во Виница

Доброволното противпожарно друштво Кочани минатата ноќ беше исправено пред еден од најголемите предизвици кога станува збор за урбани пожари. По барање на ТППЕ Виница, со 12 пожарникари и 3 возила интервениравме на големиот пожар кој избувна во фабриката Мак Прогрес во Виница, информираат од Доброволното противпожарно друштво.

-Нашите екипи останаа на терен до доцна во ноќта, со максимални напори за локализирање на пожарот и спречување на негово понатамошно ширење.

За жал, еден наш член при интервенцијата се здоби со изгореници од растопен шеќер. По укажаната лекарска помош е во стабилна состојба и пуштен на домашно лекување. Му посакуваме брзо и целосно закрепнување, информираат од ДПД Кочани.