Ѓорѓиевски најави пристигнување на 3.300 нови контејнери

Градоначалникот на Скопје, Орце Ѓорѓиевски, рече дека од следната недела ќе започнат да пристигнуваат новите 3.300 контејнери со кои ќе биде подобрена јавната хигиена во главниот град.

– Во последните 12 години не се набавени толку контејнери во вкупен обем колку што набавивме ние – рече Ѓорѓиевски на Сител и додаде дека тоа заедно со новите камиони за смет ќе ја подобрат општата ситуација.

Тој им се извини на скопјани за доцнењето при собирањето на отпадот и призна дека постојната механизација не е доволна за целосно и навремено опслужување на градот.