Новак Ѓоковиќ (38) се пласираше во 2. коло на Австралија Опен откако го победи шпанскиот тенисер Педро Мартинез во три сета, инаку 71-ви на АТП ранг-листата.
Српскиот тенисер, кој го освои првиот Гренд слем турнир во сезоната рекордни десет пати, победи со 6:3, 6:2, 6:2 против десет години помлад противник.
Ѓоковиќ со тоа ја регистрираше својата јубилејна 100-та победа на Австралија Опен и стана првиот тенисер во историјата што постигнал троцифрен број победи на најмалку три Гренд слем турнири.
Четвртиот тенисер од АТП ранг-листата досега има постигнато 102 победи на Вимблдон и 101 на Ролан Гарос. Тој моментално има 95 победи на САД Опен.
🇷🇸 Novak Djokovic is the 1st player ever to win at least 100 matches in 3 different Slams (and 3 different surfaces)#AusOpen #AustralianOpen pic.twitter.com/eBHo8u7Xbn
— TennisMyLife (@TennisMyLife68) January 19, 2026
По натпреварот, Ѓоковиќ со одобрување гледаше видео монтажа од неговите моменти на Австралија Опен, која вклучуваше неговата прва Гренд Слем титула во 2008 година против Жо-Вилфред Цонга и неговиот маратонски триумф над Надал во 2012 година.
„Што да кажам? Ми се допаѓа како звучи. Сто е прилично убаво чувство“, рече Ѓоковиќ на теренот.
На 38-годишна возраст, Ѓоковиќ достигна други важни пресвртници со оваа победа. Тој се изедначи со Федерер по бројот на настапи во поединечна конкуренција на Австралија Опен (21) и со Федерер и Фелисијано Лопез по бројот на настапи на Гренд Слем турнири (81).
„Правењето историја е голема мотивација, особено во последните пет, десет години од мојата кариера. Откако се ставив во позиција каде што на крајот можев да напишам историја, бев уште повеќе инспириран да го играм мојот најдобар тенис и го направив тоа“, рече тој.