Опозицијата мора да оди ДО КРАЈ, ако не сака пак да почнува од почеток

Еве згоден акроним кој како назив за својата коалиција би можеле да го употребат здружените опозициски десничари. Нека им се вика коалицијата „Десна Опозиција – Коалиција за Расчистување со Апашлукот и Јавашлукот“ или како кратенка ДО – КРАЈ.

Добро звучи и како завршеток на борбени пароли, во смисла: „Со борбата за поправедна Македонија одиме – ДО КРАЈ“ или „На патот за побогата Македонија на среќни граѓани ќе одиме – ДО КРАЈ“ и слично.

А има и помрачна смисла слоганов + име на коалицијата – ако на изборите бидат поразени, тоа навистина за нивните политички кариери и амбиции ќе биде крајот.

Пишува
Нено БОГДАН