Ачик фатените бандити од власта, констернирани од тоа што за нивниот криминал се зборува на улица, во кафеана, на пазар, што се предмет на подбив и мајтап на работа, на училиште, во фабричка хала и за нивното мафијашко однесување тајно шепотат секретарките во министерствата и во владините институции, тие бандити, де, немаат друго чаре, освен за својот резил, што допрва се разголува, да прават циркус од државните институции, да ја тероризираат правдата, да ја ничкосуваат државата, а притоа прстот да го вперуваат во најмоќните на светот – САД.
Без Американците, демек, никој не можел да се дрзне да им приреди таква игранка. Тие мрсно кркале, а друг им е крив, аздисани!
Наместо да си го гледаат алот, ја потценуваат интелигенцијата на сите што умеат пристојно да мислат, мочаат врз народот, море за стока го есапат.
Нема друго чаре – пастирот мора да биде срушен на избори. Со чиста победа за опозицијата и обединетото граѓанство. Ако можеше Милошевиќ да падне на избори, а водеше 3:1 во анкетите, зошто не би можел и Груевски?
Без оглед што ТВ Сител следниот ден ќе излезе со ексклузивна тајна ТВ снимка од разговор на Заев, во кој се слуша како вели „Абе, што се секирате, Американците ќе и нап’нат кутиите“!
Разговараше
Јадранка КОСТОВА
Целиот текст може да го прочитате во најновиот број од неделникот „Фокус”