Доктор Никола Пановски на Фејсбук напиша дека повторно се шират лажни видеа и реклами со неговиот лик, во кои се промовираат различни производи.
„Никогаш не сум рекламирал, не рекламирам, ниту некогаш ќе рекламирам било каков производ. Кога ќе го прочитате моето име или ќе ја видите мојата слика покрај некој производ, а во последно време и видеа, сè е тоа злоупотреба. Ако има интервју – тоа е измислено. Не купувајте го тоа ѓубре“ – напиша Пановски.
Тој ги повика граѓаните да не купуваат „лажни препарати“ и да не ги „богатат криминалците“, додавајќи дека државата досега не презела соодветни мерки за заштита од ваквите злоупотреби.
„Државата со прст не мрдна да не заштити. Злоупотребата продолжува“, вели Пановски.
„Ве молам, споделете го ова и секое видео со мојот лик пријавете го како лажно. Не купувајте, а ако сте купиле – фрлете го“, вели д-р Пановски.