Акција на МВР и АНБ: Уапсени неколкумина пради сомнеж за тероризам

На повеќе локации во Скопје утрово се вршат претреси во заедничка акција на Министерството за внатрешни работи и Агенцијата за национална безбедност (АНБ). Од Обвинителството за гонење на организиран криминал и корупција појаснуваат дека приведени се повеќе лица поради сомнеж за тероризам.

-Под раководство на јавен обвинител од ОЈО ГОКК на територија на Скопје во тек е акција на МВР и АНБ на повеќе локации. Приведени се повеќе лица поради сомнение за сторени кривични дела од областа на тероризмот, информираат од Обвинителството од каде што најавуваат повеќе детали по завршување на акцијата.