Две државјанки на Македонија уапсени во Црна Гора поради кражба на златен накит

Две државјанки на Македонија се уапсени во Црна Гора под сомнение дека украле четири златни ланчиња од златарница во Игало.

Како што соопшти црногорската полиција, украдениот накит е пронајден и вратен на сопственичката на златарницата.

„Службениците од Одделението за безбедност Херцег Нови ги лишија од слобода Ж.Ц.Т. (55) и А.Р. (33) од Скопје, државјанки на Македонија, поради сомнение дека го сториле кривичното дело кражба“, се наведува во полициското соопштение.

Против двете осомничени ќе биде поведена соодветна кривична постапка согласно црногорското законодавство.