Пристапот до интернет во Иран почна да се обновува по речиси тримесечна блокада, изјави првиот потпретседател на земјата. Иранската влада го суспендираше пристапот до интернет по нападите на САД и Израел на 28 февруари, а официјалните лица како причина го наведоа спречувањето на надзор, шпионажа и сајбер напади, пишува Би-Би-Си.
„Првиот чекор кон слободен и регулиран пристап до сајбер-просторот е направен“, објави првиот потпретседател Мохамед Реза Ареф во вторник на социјалната мрежа X.
Организациите за следење на интернет Netblocks и Kentik објавија „делумно“ враќање на поврзаноста околу 15 часот во вторник, но Kentik предупреди дека повеќето мрежи сè уште се недостапни.
Ова е едно од најдолгите регистрирани национални исклучувања на интернет во светот. Netblocks изјави дека е неизвесно дали повторното воспоставување на интернет-врската ќе биде одржливо.
„Претходните дигитални блокади во Иран покажаа дека процесот на закрепнување може да трае со часови и не е толку едноставен како процесот на исклучување“, изјави Исик Матер, директор за истражување во Netblocks, за BBC Verify.
Пред оваа блокада, Иран имаше целосен пристап до интернет само околу еден месец, по претходниот прекин што беше воведен за време на смртоносното задушување на антивладините протести во јануари.