Изгоре дел од кров на локал на „Втора македонска бригада“

Пожар избувнал синоќа во угостителски објект на улицата „Втора македонска бригада“ во Скопје, информира МВР. Според полициските информации, случајот бил пријавен во СВР Скопје околу 22:15 часот.

Огнот зафатил дел од кровната конструкција на објектот, по што на терен интервенирала екипа на Бригадата за противпожарна заштита Скопје, која успеала брзо да го локализира и изгасне пожарот.

За среќа, во инцидентот нема повредени лица, а засега не се соопштува колкава е причинетата материјална штета.

Полициски екипи извршиле увид на местото на настанот, а причините за избувнувањето на пожарот дополнително ќе се утврдуваат.