Володимир Зеленски го посети Купјанск на првата линија на фронтот по извештаите дека украинските сили повратиле делови од североисточниот град и ги опколиле руските сили.
Владимир Путин минатата недела објави дека руските трупи ги освоиле Покровск и Купјанск, што Украина го негираше, иако призна дека се повлекла од некои позиции.
Во видеоснимка објавена на Телеграм, Зеленски стои пред знак со името на градот на еден од влезовите во Купјанск.
-Денес е екстремно важно да се остварат резултати на бојно поле за да може Украина да оствари резултати во дипломатијата – вели тој.
Корпусот „Хартија“ на украинската Национална гарда објави дека ослободил неколку северни окрузи на Купјанск, додавајќи дека руските линии на снабдување се отсечени, а стотици руски војници се опколени.
-Денеска можеме да кажеме дека Русите во градот се целосно отсечени. Долго време не можеа да сфатат што се случува. Но, сега знаат дека се опколени – изјави Ихор Оболиенски, командант на „Хартија“.