Зеленски: За една недела, 52 лица беа убиени, а 346 ранети во руски напади

Претседателот на Украина, Володимир Зеленски, денес објави дека за една недела, 52 лица беа убиени, а 346 беа ранети, вклучувајќи 22 деца, во руски напади.

„Во текот на изминатата недела, Русија лансираше повеќе од 3.170 борбени беспилотни летала, повеќе од 1.300 наведувани воздушни бомби и 74 ракети од различни видови, од кои повеќето се балистички, во Украина. Имаше многу удари врз станбени згради и друга цивилна инфраструктура“, рече Зеленски, пренесува Укринформ.

Зеленски истакна дека Украина мора да го зајакне системот за воздушна одбрана и да развие заедничка заштита од балистички закани со европските партнери.