Володимир Зеленски изјави дека повеќе би одбрал да нема договор, отколку да потпише лош мировен договор со Русија. Во интервју за The Atlantic, тој нагласи дека Украина брза кон завршување на војната, но не по секоја цена и без внимателно разгледување на условите.
Зеленски посочи дека сега е поволен момент американскиот претседател Доналд Трамп да помогне во завршување на војната, пред почетокот на кампањата на Републиканска партија за изборите за Конгресот.
Осврнувајќи се на написите на Financial Times за можни избори и референдум на 24 февруари, Зеленски рече дека таков чекор би бил можен само ако мировниот договор не е лош.
Тој додаде дека избори за време на воена состојба не се дозволени според украинскиот устав и дека идејата за избори среде војна потекнува од Русија.